6. febrúar 2010

Nú eru komnar inn myndir af heiðurslistanemendum og þeim sem fengu viðurkenningar á myndasíðu skólans www.123.is/hradbraut. 

Nöfn nemendanna má lesa ef smellt er á flipann: Um Hraðbraut og svo á Heiðurslisti. 

Við óskum þessum nemendum og aðstandendum þeirra til hamingju með viðurkenningarnar. 

Jóhanna Magnúsdóttir, aðstoðarskólastjóri 

26. janúar 2010

Þriðjudaginn 26. janúar kl. 9:30 munum við tilkynna um nemendur á Heiðurslista, en á listann komast nemendur fyrir góðan námsárangur, ástundun, samviskusemi og jákvætt viðhorf til námsins. Þar vegur þó einkunn þyngst, þó að annað geti vegið upp á móti. 

Að sama skapi veitum við viðurkenningar nemendum sem hafa fengið flestar tilnefningar frá samnemendum og starfsfólki fyrir jákvætt viðhorf til skólastarfsins og sem hafa sýnt samnemendum stuðning í námi.

Þar sem innan skólans eru einstaklega jákvæðir og duglegir nemendur er alltaf erfitt að velja úr og eiga margir skilið að fá klapp á bakið vegna dugnaðar og góðrar ástundunar.

28. desember 2009

Nú er bókalisti vorsins 2010 kominn inn á netið. Hægt er að sjá listann með að smella á BÓKALISTAR. Eins og áður sagði er skrifstofa skólans lokuð milli jóla og nýárs, en opnar um leið og kennsla hefst 4. janúar nk. 

19. desember 2009

Nú er skólinn kominn í jólafrí og skrifstofa því lokuð.  þremur lotum er lokið hjá fyrra árs nemendum og tíu hjá seinna árs nemendum, en alls eru loturnar fimmtán sem þarf að ljúka til stúdentsprófs. Hægt er að hafa samband við skólastjórnendur í tölvupósti; Jóhönnu Magnúsdóttur, aðstoðarskólastjóra í Þetta netfang er varið fyrir ruslrafpósti, þú þarft að hafa Javascript virkt til að skoða það   eða Ólaf Hauk Johnson, skólastjóra í Þetta netfang er varið fyrir ruslrafpósti, þú þarft að hafa Javascript virkt til að skoða það   Kennsla hefst aftur mánudag 4.janúar og eru nemendur beðnir um að fylgjast með upplýsingum á MySchool, innra neti skólans. 

Stjórnendur, kennarar og annað starfsfólk skólans óska nemendum og aðstandendum þeirra:

GLEÐILEGRA JÓLA OG FARSÆLS NÝS ÁRS, MEÐ ÞÖKK FYRIR HIÐ GAMLA. 

15. nóvember 2009

Þann 6. nóvember sl. sigraði lið Menntaskólans Hraðbrautar lið Menntaskólans í Kópavogi í ræðukeppni framhaldsskólanna, MORFÍS. Í framhaldi af því mun Hraðbraut keppa við lið Menntaskólans á Ísafirði á þeirra heimavelli laugardaginn 21. nóvember nk. Við óskum þeim að sjálfsögðu góðs gengis, en þess má geta að þjálfarar liðsins eru stúdentar úr Hraðbraut. 

Dagur íslenskrar tungu verður haldinn hátíðlegur í Menntaskólanum Hraðbraut mánudaginn 16. nóvember nk. Af því tilefni fáum við Jón Kalman rithöfund í heimsókn í hádegishléi  og mun hann lesa úr nýútkominni bók sinni sem ber nafnið Harmur englanna, en hún er beint framhald af bók hans Himnaríki og helvíti sem hann sendi frá sér fyrir tveimur árum. 

9. október 2009

Kynningarfundur fyrir foreldra og aðra aðstandendur verður haldinn í skólanum 26. október nk. kl. 17:15. Í framhaldi er boðað til aðalfundar foreldrafélags skólans um kl. 18:00. Formaður foreldrafélagsins er Sævar Guðbergsson. Við hvetjum alla foreldra/forráðamenn, einnig aðstandendur nemenda 18 ára og eldri, til að koma og kynna sér starfsemi skólans og skoða vinnuumhverfi barna sinna og taka þátt í umræðunni um að gera góðan skóla betri. Nemendur munu fá fundarboð með sér heim þegar nær dregur. 

Sl. miðvikudag 7. október  var haldið vel sótt  busaball á Hverfisbarnum í Casino Royal stíl,  sem fór mjög vel fram, eins og reyndar öll böll skólans hafa gert hingað til. Nemendur fengu leyfi til 11:00 daginn eftir, en þá var jafnframt þemadagur þar sem mætt var í náttfötum. 

Þriðjudaginn 6. október fóru nemendur sem taka íslensku 103 í gönguferð að staðnum þar sem olíuflutningaskipið Clam strandaði árið 1950. Þetta strand varð kveikjan að ritun skáldsögunnar Strandið eftir Hannes Sigfrússon og er hluti af námsefni áfangans. 

Sunnudaginn 4. október héldu nemendur, aðstoðarskólastjóri Jóhanna Magnúsdóttir, tölvukennari Bragi Þór Valsson (ásamt frú),  og jarðfræðikennari, Björn Hróarsson, á fjöll. Í þetta skipti var valið fjallið Fjallið eina og jafnframt gengið um Hrútadyngjuhraun.  Einnig var skoðaður Húshellir. Myndir frá ferðalaginu eru á myndasíðu skólans: www.123.is/hradbraut

Eins og kannski sést á myndunum, var þarna einstök veðurblíða og útsýni til allra átta. Það gladdi starfsmenn skólans að fá afa og ömmu eins nemanda með í hópinn, auk litla bróður sem gaf ekkert eftir í göngunni.

27. september 2009

Lota 2/9 er að hefjast á morgun, mánudag 28. september. Nemendur eiga nú að  sjá stundaskrár sínar á innra neti. Í lotunni er áætluð fjallganga sunnudag  4. okt nk.  undir stjórn undirritaðrar og leiðsögn Björns Hróarssonar jarðfræðings og kennara við skólann, helst á Esjuna ef veður og aðstæður leyfa. Nánar verður sagt frá henni síðar og verður hún í boði fyrir alla nemendur og eru aðstandendur velkomnir einnig.  

Nemendur eru almennt mjög ánægðir í skólanum og er það eitt af meginmarkmiðum stjórnenda skólans að nemendum líði vel við nám og störf, þar sem það er ein af forsendum velgengngi þeirra.

Jóhanna Magnúsdóttir, aðstoðarskólastjóri

4. september 2009

Komin er inn á vef skólans viðbragðsáætlun vegna mögulegs heimsfaraldurs inflúensu.   Viðbragðsáætlunin er unnin í samstarfi við almannavarnadeild ríkislögreglustjóra, sóttvarnalækni og menntamálaráðuneytið.  Smellið á hlekkinn "Viðbragðsáætlun vegna inflúensu" í valmyndinni hér til vinstri til að skoða skjalið. 

1. september 2009

Í dag er busadagur í Hraðbraut, eldri nemendur hafa sett ákveðnar reglur fyrir þá yngri, m.a. að ganga á línum sem eru búnar til úr teppalímbandi, busar mættu í hvítum fötum á röngunni o.fl.  Farið verður í Fjölskyldu-og húsdýragarðinn seinni partinn, þar sem boðið verður upp á grill  og þar keppt m.a. í reiðtogi.  

Sl. miðvikudagskvöld  stóð nemendafélagið fyrir opnu húsi og tókst það vel.

17. ágúst 2009

Kennsla hefst í dag, 17. ágúst  kl. 8:30, nemendur fengu afhenta bókalista á skólasetningunni 13. ágúst, einnig eru þeir á heimasíðunni undir flipanum, bókalistar.

29. júlí 2009

Nú standa yfir sumarleyfi starfsfólks skólans. Skrifstofan opnar aftur 10. ágúst nk.  Skólasetning er í Bústaðakirkju 13. ágúst kl. 11:00 og munu nemendur m.a. fá aðgang að MySchool, innra neti skólans.. Nemendur munu einnig fá afhenta bóka- og bekkjalista en einnig mun verða hægt að sjá bókalista hér á heimasíðunni upp úr 11. ágúst. Hægt er að hafa samband við Ólaf Hauk Johnson, skólastjóra í netfangi Þetta netfang er varið fyrir ruslrafpósti, þú þarft að hafa Javascript virkt til að skoða það ef nánari upplýsingar vantar. 

Foreldrar og/eða forráðamenn nemenda eru velkomnir á skólasetninguna með nemendum. 

 9. júlí 2009

Útskrift frá Menntaskólanum Hraðbraut verður haldin í Bústaðakirkju 11. júlí nk. kl. 10:30 en eru útskriftarnemendur beðnir að mæta 9:45 í safnaðarsal, sem er á vinstri hönd þegar komið er inn í anddyri.

Áætlað er að útskriftarathöfn og myndatöku sé lokið um kl. 12:00. Útskriftarnemendur ættu að verða 60 talsins þetta árið, en enn eru nemendur að klára nokkur námskeið. Nemendur á lokaspretti eru nú í dagsferð á Suðurlandi  ásamt tjáningar- og lífsleikniikennurum. Þeir munu síðan snæða saman, ásamt starfsfólki skólans og stjórnendum  í "Síðustu kvöldmáltíðinni" annað kvöld, 10. júí í Kornhlöðunni og er mæting þar um kl. 19:00. 

----

Kári Már Reynisson, nemandi í 2X, er sigurvegari keppninnar Ungir vísindamenn 2009 sem er haldin á vegum Háskóla  Íslands. Verkefni hans fólst í að hanna hugmynd að tæki til að nota við viðgerðir á taugafrumum.

Kári mun í haust taka þátt í samnefndri Evrópukeppni sem fer fram í París um miðjan september.

22. maí 2009

Það er mikið um að vera þessa dagana í Hraðbraut, en í dag dimmitera tilvonandi stúdentar með pompi og prakt.  Þeir munu bjóða starfsfólki upp á veitingar í hádeginu og vera með uppákomur. Útskriftin þeirra verður svo  11. júlí kl. 10:30 í Bústaðakirkju.

Á morgun, 23. maí verður farið í árlega vorgönguferð undir leiðsögn Jóhönnu aðstoðarskólastjóra og Viðars eðlis-og stærðfræðikennara, í þetta sinn í Búrfellsgjá í Heiðmörk. Nú þegar hafa um 40 nemendur skráð sig á þátttökulistann, en þessar ferðir eru hin  ágætasta næring fyrir sál og líkama.

Innritun er nú í fullum gangi á www.menntagatt.is en það verður opið fyrir hana til 11. júní fyrir nemendur sem eru að koma úr grunnskóla.  Nemendur sem eru eldri eru beðnir um að skila umsóknum og koma í viðtal  hjá námsráðgjafa, aðstoðarskólastjóra eða skólastjóra. Upplýsingar í síma 5659500 eða í Þetta netfang er varið fyrir ruslrafpósti, þú þarft að hafa Javascript virkt til að skoða það

Jóhanna Magnúsdóttir, aðstoðarskólastjóri

24. apríl 2009

Þriðjudaginn 28. apríl nk.  verður opið hús í Hraðbraut þar sem við tökum á móti nemendum og foreldrum/forráðamönnum sem hafa áhuga á að kynna sér starfsemi skólans.

16.apríl 2009

Ágætu foreldar/forráðamenn

Sú breyting hefur orðið á að áætluð ferð á vegum nemendafélagsins á Akureyri hefur verið felld niður vegna dræmrar þátttöku.

Þeir nemendur sem ætla sér að fara á keppnina eru því á eigin vegum. 

Þetta þýðir enn fremur að leyfisbréf vegna ferðarinner er ekki í gildi.

2. apríl 2009                                             

Í dag, fimmtudag 2. apríl,  stendur nemendafélagið fyrir páskaþema í skólanum, litir dagsins eru gulur og fjólublár. Nemendur og starfsfólk munu hefja páskafrí mánudag 6. apríl en skóli hefst aftur með kennslu þriðjudaginn 14. apríl.

Við óskum nemendum okkar og fjölskyldum þeirra GLEÐILEGRA PÁSKA!

27. febrúar 2009

Innanskólakeppni fyrir SÖNGKEPPNI FRAMHALDSSKÓLANNA verður haldin í húsnæði skólans kl. 19.00 í kvöld. Fjöldi nemenda er skráður til leiks og fjarska góð stemmning við undirbúning. Geir Ólafs verður kynnir kvöldsins og leynigestir troða upp.

Ekki missa af góðri skemmtun!

23. febrúar 2009

Á morgun, þriðjudaginn 24. febrúar kl. 8:30 - 16:05 verður opið hús. Allir sem áhuga hafa á að kynna sér starfsemi skólans eru velkomnir. Nemendum 9. og 10. bekkjar grunnskóla er sérstaklega bent á að kynna sér þennan valkost á framhaldsskólastigi.

18. febrúar 2009

Stjórn nemendafélags Hraðbrautar stendur fyrir bleikum þemadegi, fimmtudag 19. febrúar. Nemendur og starfsfólk er þá hvatt til að klæðast bleiku og/eða vera með bleika fylgihluti.

16. febrúar 2009

Í dag eru að hefjast nýjar lotur, lota 5 hjá fyrra ári og lota 12 hjá því síðara.

Þann 24. febrúar nk. munum við vera með opið hús frá 8:30 - 16:05  og munum þá taka á móti þeim nemendum og/eða forráðamönnum sem hafa áhuga á að kynna sér Hraðbraut. Þeir sem ekki hafa tök á því að koma þennan dag, eru hjartanlega velkomnir á öðrum tímum og hafa þá samband við námsrágjafa, aðstoðarskólstjóra eða skólastjóra.

8. febrúar 2009.

Nú er fyrstu lotum vorannar að ljúka, nemendur hafa lokið prófum en sjúkrapróf munu verða haldin 13. febrúar nk. Nemendur sem náðu öllum sínum prófum eru nú í viku fríi.

13. febrúar verður einnig  sérstök kynning á skólanum, sérstaklega fyrir námsráðgjafa og þá aðallega í  grunnskólum, en eiga þeir að hafa fengið bréf þess efnis.

Lota 5 fyrir fyrra ár og lota 12 fyrir síðara ár hefjast svo mánudag 8:30 skv. stundaskrá.

21. janúar 2009  

Mættu eins og þú sért að fara í hlöðuna í skólann! Sveitaþemadagur fimmtudag 22. janúar,  í boði nýrrar nemendafélagsstjórnar. 

Nú verða lopapeysur, þær sem ekki voru sendar til Bretlands, dregnar fram, köflóttar skyrtur, tóbaksklútar, kúrekastígvél og gallabuxur eða allt sem fellur undir staðalmynd þess að vera sveitó!

5. janúar 2009 

GLEÐILEGT ÁR

Í dag hófst starf aftur eftir jólafrí. Nemendur á fyrra ári eru að hefja lotu 4 og nemendur á seinna ári lotu 11.  Við hvetjum foreldra til að fylgjast með námframvindu á innra neti skólans, helst í samstarfi við börn sín. Einnig er hægt að senda aðstoðarskólastjóra póst á Þetta netfang er varið fyrir ruslrafpósti, þú þarft að hafa Javascript virkt til að skoða það  og fá aðgang að námsferli nemenda yngri en 18 ára. Íþróttatímar hefjast ekki aftur fyrr en 13. janúar.