Áfangar eru merktir með skammstöfunum. Heiti námsgreinar er táknað með þremur bókstöfum sem oftast minna á greinarheitið. Á eftir koma upplýsingar um þann einingafjölda sem áfanginn veitir.
Í talnaröðinni sem kemur á eftir heiti áfangans hefur fremsti tölustafurinn það hlutverk að segja til um í hvaða röð nemendur eiga að leggja stund á áfangana og felur þar með í sér undanfarareglu. Þriðji tölustafurinn segir til um einingafjölda áfangans.
Áfangalýsingar eru í samræmi við áfangalýsingar sem út eru gefnar af menntamálaráðuneytinu.
Sérstök athygli er vakin á því að áfangarnir ÍSL 102, ÍSL 202 og ÍSL 212 hafa verið sameinaðir í tvo 3 eininga áfanga, ÍSL 103 og ÍSL 203. Innihald þeirra áfanga er sambærilegt við ÍSL 102, ÍSL 202 og ÍSL 212 sem á eftir eru greindir. Áfangalýsing fyrir ÍSL 103 og ÍSL 203 verður gefin út síðar.
