Undanfari: SPÆ 303

Lokið er við að fara yfir öll helstu grundvallaratriði spænskrar málfræði. Áhersla er á notkun viðtengingarháttar nútíðar og þátíðar og skildagatíðar. Orðasambönd, sem geta tekið með sér viðtengingarhátt og/eða framsöguhátt, eru tekin fyrir. Nemendur öðlast færni í réttri notkun þátíða. Stutt skáldsaga eða smásögur eru lesnar og verkefni unnin upp úr þeim. Munnleg tjáning er mikið æfð og reynt að festa í sessi virkan orðaforða. Nemendur kynna sér fjölbreyttan menningarheim hinna spænskumælandi þjóða og bera saman við sinn eigin. Æskilegt er að nemendur vinni þemaverkefni saman og kynni fyrir samnemendum sínum. Heimur Rómönsku Ameríku, bókmenntir og listir hins spænskumælandi heims eru helsta uppspretta orðaforða. Upplestur texta er æfður. Áhersla er lögð á ríkan orðaforða og nokkuð rétta málfræði.

Nemandi

öðlist öryggi í framburði

geri greinarmun á suður-amerískum og spænskum framburði

hafi á valdi sínu

hrynjandi

ð-hljóð á milli sérhljóða

dýpki almennan orðaforða og leggi áherslu á

menningarþætti og landshætti ýmissa landa Rómönsku Ameríku

markvissa notkun orðabóka

að tengja latneskan og germanskan orðaforða innbyrðis

að tengja saman orð og orðflokka

upprifjun og viðhald orðaforða

ljúki við að fara yfir grundvallaratriði spænskrar málfræði

þjálfist í notkun

þátíða framsöguháttar

boðháttar (neikvæður, jákvæður, þúun, þérun)

viðtengingarháttar (nútíð og þátíð)

skildagatíðar

persónufornafna

ser og estar í öllum tíðum og háttum

samtenginga og forsetninga sem taka með sér viðtengingarhátt

þjálfist enn frekar í að skilja mælt mál í daglegri umgengni, nánar tiltekið

skilji tilkynningar á símsvara og hátalarakerfi flugvalla

skilji aðalinntak frétta í fjölmiðlum

geti brugðist samstundis við því sem hann heyrir

nái inntaki ótextaðra kvikmynda, fylgist með atburðarás og geti í eyður þegar hann skilur ekki fullkomlega

skilji upplestur um kunnuglegt efni án þess að hafa heyrt textann áður

nái meginefni samræðna milli fjögurra manna

lesi sífellt flóknari texta, nánar tiltekið

stutta skáldsögu eða smásögur

sífellt þyngri texta og texta með hjálp orðabóka og leiðandi spurninga um innihald texta

stuttar blaðagreinar

einfaldar fréttir

geti haldið uppi einföldum samræðum við innfædda án erfiðleika og án þess að misskilningur hljótist af

geti tjáð sig um flest málefni úr nánasta umhverfi þótt nokkuð vanti upp á málfræðilega nákvæmni

geti tekið þátt í umræðum um kunnugleg efni

geti rætt um viðfangsefni sem tengt er námsefninu

o geti skipst á skoðunum og rætt um efni þess sem hann hefur verið að lesa, nánar tiltekið

o endursagt efni stuttra greina

o endursagt efni léttra bókmenntaverka

o endursagt efni kvikmynda

o lýst viðbrögðum sínum

o tjáð sig áfallalítið um hversdagsleg efni

o rætt um andlega og líkamlega líðan annarra nemenda í öllum tíðum framsöguháttar og viðtengingarháttar

o notað orðasambönd á einfaldan máta til þess að lýsa upplifunum sínum og atburðum, löngunum og vonum

o gefið upp ástæður og útskýringar á skoðunum sínum og áætlunum

- fái markvissa þjálfun í ritun, t.d. í

o endursögnum og frásögnum í viðtengingarhætti og þátíðum

o bréfaskriftum

o stuttum ritgerðum um tiltekin efni

o þýðingum texta af ýmsum toga

o málfræðiæfingum

- vinni með efni af menningarlegum toga í kennslubók, auk ítarefnis

- vinni með hugmyndir sem koma upp í tímum og vekja sérstakan áhuga hans

- haldi fyrirlestur um valið efni fyrir samnemendur sína, t.d. um einstök lönd, einstakar listgreinar, stjórnmál, bókmenntir, sögu, hefðir í mat, kvikmyndir, sérstakan orðaforða, félagsleg vandamál, spillingu og fjölskyldugerð

Framfarir nemenda eru stöðugt metnar og tekið er tillit til allra færniþátta. Námsmati mætti haga þannig að 10% sé ritgerð, 20% munnleg færni (framsaga og munnlegt próf, þátttaka á spænsku í tímum), 20% málfræðiverkefni og 50% sé próf í annarlok.