Undanfari: ÍÞR 101 og 111

Í áfanganum er lögð áhersla á verklega og fræðilega þætti tengda skipulagi þjálfunar. Nemendur fá að gera eigin þjálfunaráætlun, auk þess sem fjallað er um líkamleg og sálræn áhrif þjálfunar. Farið er yfir helstu líffræðilegar forsendur þjálfunar, svo sem starfsemi vöðva, liða, tauga og blóðrásar. Fjallað er um gildi reglulegrar og skipulagðrar líkamsþjálfunar og nemendum gerð grein fyrir ábyrgð á eigin líkama. Í áfanganum er einnig fjallað um mismun einstaklingsíþrótta og hópíþrótta, komið inn á samvinnu og hópefli og réttan útbúnað til líkams- og heilsuræktar. Nemendur fá fræðslu um gildi þess að lifa heilbrigðu lífi og fá að kynnast möguleikum umhverfisins til líkams- og heilsuræktar. Nemendur verða hvattir til að tengja tölvu- og upplýsingatækni við skrásetningu upplýsinga og vinnu að áætlanagerð.

Nemandi

glími við fjölbreytt verkefni sem snúa að alhliða hreyfingu

leysi af hendi verkefni, æfingar og leiki sem viðhalda og bæta tækni ýmissa íþróttagreina

taki þátt í íþróttum og útivist þar sem krafist er sérstaks útbúnaðar, t.d. fyrir

gönguferðir

skíðaferðir

hjólreiðar

golf

Nemandi

taki þátt í alhliða líkams- og heilsurækt

taki þátt í styrkjandi og mótandi æfingum fyrir helstu vöðva og liðamót líkamans

þjálfist í að nýta sér möguleika til heilsuræktar í nánasta umhverfi og úti í náttúrunni

Félags-, tilfinninga- og siðgæðissvið

Nemandi

leysi af hendi æfingar og leiki sem viðhalda og bæta samskipti

taki þátt í leikjum og æfingum sem hafa áhrif á jákvæða upplifun og viðhorf til íþrótta líkams- og heilsuræktar

fái tækifæri til að greina frá afstöðu sinni til heilbrigðs lífsstíls

fái tækifæri til að greina frá afstöðu sinni til fyrirkomulags áfangans

Nemandi

leysi af hendi verkefni sem snýr að skipulagningu eigin þjálfunar

öðlist þekkingu á forsendum og áhrifum þjálfunar á líkama og heilsu

öðlist grundvallarþekkingu á klæðnaði til útivistar af ýmsu tagi

öðlist færni í að nýta sér tölvu- og upplýsingatækni við skipulag þjálfunar

Skipulag þjálfunar, æfingaáætlun, langtímaáætlun, vikuáætlun, umhverfi, þjálfunarástand, þrekmælingar, viljastyrkur, einstaklingsbundin þjálfun, æfingadagbók, að byrja varlega, aðlögunartími, hæfilegt álag, þjálfunarpúls, spjallhraði, útbúnaður, hlaupaskór, æfingaklæðnaður, vökvajafnvægi, blóðsykur, líffræðilegar forsendur þjálfunar, áhrif þjálfunar á líkamann, heilbrigður lífsstíll.

Sjá námskrá menntamálaráðuneytisins.