Undanfari: enginn

Farið er í helstu þætti í sögu og þróun nútímaforritunar. Í áfanganum munu nemendur fá undirstöðuþjálfun í forritun í hlutbundnu forritunarmáli. Lögð verður áhersla á  að nemendur temji sér öguð og viðurkennd vinnubrögð við greiningu, hönnun og prófun tölvuforrita. Sérstök rækt verði lögð við að nemendur átti sig á hlutverki stýrikerfa við hönnun hugbúnaðar, m.a. við hönnun staðlaðs notendaviðmóts.

Nemandi

- hafi þekkingu á sögu forritunar og helstu atriðum sem marka tímamót

- geti beitt greiningu og hönnun við undirbúning forritunar

- geti skipulagt tög og uppbyggingu forrita með föllum og stefjum

- geti forritað með skilyrðum, lykkjum, föllum og stefjum

- setji upp frumgerð forrits sem lýsir samskiptum manns og tölvu

- geti beitt viðurkenndum stöðlum um notendaviðmót

- geti metið hvernig best er að greina, hanna og forrita einfaldari forrit

Breytur: gildisgjöf, staðværar breytur og klasabreytur, færibreytur, gildisbreytur og bendar og hlutir.

Tög: heiltölur, kommutölur, rökbreytur, strengir, fylki og tilbúin tög; að breyta úr einni tegund í aðra (m.a. tölum í strengi og öfugt).

Aðgerðir: heiltöluaðgerðir, m.a. módular, helstu kommutöluaðgerðir, rökaðgerðirnar AND, OR, NOT, XOR; forgangsröð aðgerða.

Flæði aðgerða: skilyrði og röksegðir, endurtekning og slaufur (bæði með teljara og skilyrði).

Verkþættir og skipulag: undirforrit, klasar, erfðir.

Reiknirit: framsetning þeirra og ritun skýringa í forritskóða.

Prófanir: villuleit, prófunarskýrsla.

Stærð gagna í bitum og bætum, tvíundakerfi, tugakerfi og sextándakerfi, munurinn á véla¬málum og æðri forritunarmálum, saga forritunar, s.s. smalamál, fyrstu forritunarmálin, mótuð mál og hlutbundin, einkenni algengra forritunarmála, þ. á m. BASIC, Pascal, C, C++ og Java, þýðendur, túlkar, kembi-forrit, hlutverk stýrikerfis: úthlutun vélar og einföldun, samræmd notendaskil, víxlvinnsla, hvernig forrit nýta þjónustu stýrikerfis m.a. við gerð notendaskila.

Getur farið fram með skyndiprófum, verkefnaskilum og lokaprófi ef það er talið nauðsynlegt.