Forritun 103 - FOR 103 Forritun og vefsíðugerð

Áfangalýsing

Farið er í helstu grunnatriði í ritun HTML vefsíðna, tengingar þeirra innbyrðis, gagnvirkni og uppsetningu auk þess sem nemendur læra forritun í HTML og CSS. Viðmótshönnun er skoðuð út frá markvissri uppsetningu, beitingu texta, mynda og lita. Farið er í helstu reglur og staðla í framsetningu efnis á Internetinu. Farið er í hönnunarferli lokaverkefnis, frá markmiðasetningu, skipulagningu, útlitstillögum og verkáætlun að hönnun, forritun, þróun og viðhaldi vefsins. Nemendur þjálfast í að koma eigin hugmyndum á vefsíðuform.

Áfangamarkmið

Nemandi skal hafa aflað sér almennrar þekkingar og skilnings á:

• Hugtökunum vefsíða, vefur og einföld forritun
• Þeim verkfærum sem eru notuð til að smíða vefsíður. Uppbyggingu og eðli HTML skipana og þeim breytum sem þeim fylgja
• Þeim HTML skipunum sem eru notaðar til að búa til vefsíður
• Hvernig nota á CSS til að vinna með útlit og umgjörð vefsíðna
• Þeim  CSS skipunum sem algengastar eru
• Viðmótshönnun, uppbyggingu og skipulagi vefsíðna

Nemandi skal hafa öðlast leikni í að:

• Beita HTML skipunum til að koma texta og myndum á vefsíður
• Skipta efni vefsíðna í einingar með HTML og móta útlit þeirra með CSSHugsa um ritun vefsíðna sem einfalda forritu.
• Búa til vefsíður eftir fyrirmynd
• Hanna útlit á vefsíðum og koma því í framkvæmd með CSS skipunum
• Gera áætlanir út frá markmiðum og smíða vefsíðu í framhaldi af því
• Skipuleggja vefsíður til að koma efni til skila á vefinn á áhrifaríkan hátt

Nemandi skal geta hagnýtt þá almennu þekkingu og leikni sem hann hefur aflað sér til að:

• Smíða vefsíður frá grunni
• Koma efni og myndum á framfæri á vefsíðu
• Tengja saman vefsíður til að búa til vefi
• Geta viðhaldið og breytt eldri vefsíðum og bætt nýju efni við
• Gert einfalda hugmynd að vel útfærðri vefsíðu
• Hanna viðmót á vefsíðum
• Setja upp og skipuleggja vefsíður

Námsmat

Námsmat byggst á verkefnavinnu.