Foreldrafélag Menntaskólans Hraðbrautar
Lög félagsins
1. grein. Heiti, aðsetur og félagsaðild
Félagið heitir Foreldrafélag Menntaskólans Hraðbrautar. Aðsetur þess er í Menntaskólanum Hraðbraut, Faxafeni 10 í Reykjavík. Allir foreldrar/forráðamenn nemenda við skólann eru sjálfkrafa félagsmenn.
2. grein. Tilgangur, markmið og leiðir
Tilgangur félagsins er að vinna að bættu skólastarfi og að bættum möguleikum nemenda Menntaskólans Hraðbrautar til menntunar og þroska.
Markmiðum sínum hyggst félagið ná fram með því að:
- Að vera samráðs- og samstarfsvettvangur foreldra/forráðamanna.
- Stuðla að aukinni vitund foreldra/forráðamanna um forsjárskyldur sínar og vekja athygli þeirra á réttindum og skyldum þeirra sjálfra og barna þeirra.
- Tryggja öflugt og gott samstarf foreldra/forráðamanna, nemenda og starfsfólks skólans.
- Að vera bakhjarl skólans og auka áhrif foreldra/forráðamanna sem hagsmunahóps um bættan hag og stöðu skólans.
- Hvetja til aukins stuðnings, aðhalds og hvatningar foreldra/forráðamanna við börn sín og nám þeirra.
3. grein. Aðalfundur
Aðalfundur fer með æðsta vald í málefnum félagsins. Hann skal halda árlega á tímabilinu 16. september til 31. október. Til fundarins skal boðað bréflega með dagskrá (í gegnum nemendur) með a.m.k 7 daga fyrirvara. Aðalfundur félagsins er löglegur ef löglega er til hans boðað. Dagskrá aðalfundar skal vera:
a) Kosning fundarstjóra og fundarritara.
b) Skýrsla stjórnar um störf hennar og starfsemi félagsins.
c) Umræður um skýrslu stjórnar.
d) Breytingar á samþykktum félagsins.
e) Starfsáætlun lögð fram til kynningar og afgreiðslu.
f) Kosning í stjórn félagsins.
4. grein. Stjórn félagsins
Stjórn félagsins skipa þrír foreldrar/forráðamenn nemenda við skólann sem kosnir eru á aðalfundi auk eins varamanns. Formaður skal kosinn sérstaklega en aðrir stjórnarmenn í einu lagi og skipta þeir með sér verkum. Stjórn félagsins stýrir félaginu í umboði aðalfundar í samræmi við tilgang og samþykkir félagsins. Stjórnin skal halda gerðarbók þar sem öll mál sem tekin eru fyrir eru bókuð sem og allar ákvarðanir stjórnar. Einfaldur meirihluti stjórnarmanna ræður úrslitum í atkvæðagreiðslum stjórnar.
5. grein. Breytingar á lögum félagsins
Lögum þessum má aðeins breyta á aðalfundi félagsins. Tillögur að breytingum þurfa að berast stjórn félagsins ekki síðar en 10 dögum fyrir auglýstan aðalfund. Breytingartillögur skal kynna um leið og boðað er til aðalfundar og á sama hátt.
Upplýsingar um dagsetningu aðalfundar skulu liggja fyrir eigi síðar en 1. september.
Lög þessi taka þegar gildi.
